點解全職媽媽 硬係忙極都忙唔完?睇下以下嘅文章你就知道喇! 全職媽媽到底系度忙咩野?點解家務永完做唔完?有時攰了要老公幫手照顧細路,就比人質疑無用?講真吖,全職媽媽呢份工,除非親身經歷,否則就好難體會.來自BLOGGER EstherAnderson,身為媽媽嘅佢,用有趣嘅方式記錄左：「到底全職媽媽點解啲家務硬係做唔完?」有趣嘅畫面,講出左好多全職媽媽嘅心聲,放左系 youtube只係短短五日,就有超過一百萬人次點閱!分享 圖片來源：http://bit.ly/1Abeong 她表示,自從搬到佛羅里達後,睇住個女 Ellia從出世到而家1歲零3個月,仲令佢明白到,將家務做完幾咁難嘅一件事! 她話比ABC新聞嘅記者知：「有日夜晚坐系疏化度,想翻自己今天做左啲咩?攪掂左啲咩野?先至發現,我行去邊,囡囡Ellia就跟到邊,然後就想,好多媽咪應該同我有一樣嘅感受!」於是就拎起攝錄機,紀錄佢同個女嘅日常生活,想想到底點解啲家務成日都做唔完,原來......係有小朋友系度「幫倒忙!」 當妳摺好啲衫要放入衣櫃時,佢幫妳一件一件咁拎翻出來 當妳掃地時,掃埋一堆嘅垃圾被....”撥到週圍都係” 當妳啱啱先執好啲玩具時,佢又全部幫你倒哂出黎 小朋友成日都想自己餵自己食,結果攪到成身污糟、啲野食整到週圍都係,唉......又要去清理喇 同佢去公園玩一下,都會攪到好污糟.....要沖涼外,仲要洗埋啲污糟衫 所以.......老公們,你而家知道點解全職嘅媽咪每日都有忙唔完嘅家務啦?並唔係全職嘅媽媽唔努力,係有個精力充沛嘅小朋友,隨時隨地跟到你實,更何況系一歲開始,模仿力漸漸變強,咁樣家務嘅時間又拖更長啦......結果係,全職媽媽根本無空閒嘅時間呀,妳們話係咪?
