發現叛逆期嘅小朋友8個可愛之處昨日睇過咩係threenager,今日我地嚟睇下 TerribleTwo好嗎!小朋友當進入左2 歲嘅叛逆期時,咩嘢都想自己嚟,摷野呀、打開櫃桶,只要係我地大人講嘅嘢,佢都話「唔要!唔要!」真係激到你死!!!但激氣還激氣,反叛期嘅細路仲係有佢地可愛嘅地方!有幾可愛?等MamiBuy帶你地將TerribleTwo變成SweetTwo!!TheConmunity-PopCultureGeek Flickr 1.「媽咪,我做錯左&39;樹&39;情了....」牙牙學語,超級爆笑嘅發音歲半開始,係BB學講野嘅暴笑期.偶然間會聽到啲發音唔太標準嘅野,好似「我做錯左啲「樹情」~~」或者,有時好認真咁講啲「大人」嘅說話,有時唔知比佢激死抑或笑死! 2.好小嘅一件事情,都可以開心成日睇住媽咪系廚房度忙緊,比佢幫手做小小野啦、同佢去餐廳食下嘢咁之類,咩都覺得好奇、成日想同你分享.做左小小嘅事情,就可以開心成日. 3.「爸爸著咩,我就要著咩!」-睇睇有幾窩心...「爸爸著咩, 我就要著咩!」2歲到3歲嘅小朋友,有著豐富嘅情緒同埋愛.沒事都好,都將個頭塞到你嘅膊頭上面,仲話「媽咪,我好愛你架!你愛唔愛我啫?」或者只係幾個鍾無見,但見到你時嘅表情,好似妳做錯左嘢咁個樣望住你.另外,講故仔佢聽果陣,就窩係你度,你話係咪甜到漏吖! 4.問佢「你仲記唔記得昨日發生咩嘢事呀?」-通常都唔記得上一秒先至鬧完佢,下一秒就即刻唔得左喇,試下問佢：「你仲記唔記得昨日發生過咩事呀?」小朋友通常都唔記得.但奇怪係,佢地有時突然又記得,有啲咩玩具,放系邊又記得喎,唔...真係唔知咩事喇? 5.瞓著覺個樣,永遠都好似天使咁無論佢地幾精力充沛,都係需瞓個午覺.睇住佢地瞓著覺個樣,真係好滿足,見到真係想咀啖佢. 6.唉...BB,你可唔可以咪再爆料呀?「媽媽有大車呔」、「果個姨姨好肥」、「爸爸瞓覺有鼻鼾」爆呢啲都算喇,有時仲要爆.........唉!真係無佢地符!! 7.自己配搭著衫,一意孤行「我要著閃電麥昆嘅底褲,配埋閃電麥昆件衫....」進入反叛期嘅小朋友,對著咩衫好有主見,咩衫、配咩鞋, 都堅持要自己挑(明明係大熱天都堅持要著冷衫!).但比佢自己配搭,雖然有時啲衫褲搭系一齊,睇起嚟有啲搞笑,但係其實都算係佢地自己嘅Style! 8.很愛撒嬌~~~有時即使係頑皮啲,但間唔中都係會發下噩夢、或病嘅時候,佢地都係好需要我地嘅! 進入反叛期,雖然好頑皮、又鍾意同你唱反調,但裡面都有佢地可愛嘅地方嘅!
